المسلسلان اللذان كانا أكثر متابعة في السنة الماضية هما :
المسلسل السوري باب الحارة .
و المسلسل التركي الذي دبلج إلى اللهجة السورية نور .
فما رأيكم في مسلسل يدمج المسلسلين يعني مسلسل يجمع فيه كل من أبو عصام و الجد فكري و معتز و عصام و مهند و أنور و شريفة و فريال و نور .
باب الحارة
مهند و نور
أما بعض أحداث المسلسل فتدور على الشكل التالي باللهجة السورية العامة :
يقول مهند لجده فكري:
كيف بدك تجوزني نور أنا ما بحبها شو مفكرني شي شب من شباب باب الحارة بتجّوز ع العمياني بعدين نحنا محتلين بلدهم و نحنا حكامهم كيف بدك يانا نكون متخلفين متلهم .
و بعد قليل يأتي فجر و يقول لجده فكري :
جدي يا جدي ما بدي روح ع العسكرية بلكي هاجمنا المجاهدين و قتلني عقيد الحارة أبو شهاب أنا ما بدي موت يا جدي ما بدي .
و عند ذلك يقول الجد لفجر :
سكوت لأيمتى رح ضل زغير ، هنيك رح تكون رئيس كركون و تتأمر ع الناس و بدك تجبلنا مصاري و أكل من هنيك . بعدين هيك بنضمن حالنا إذا فلست شركتنا .
ثم تأتي رهام زوجة فجر و تقول :
فجر وافق وافق و أنا بروح معك و هنيك بتسلمني مكتب حلو كتير و كبير بالكركون مو متل مكتبي بشركتكم هون .
و عندها يرد عليها فجر :
لا حبيبتي هنيك في فريال إي و الله بتخليني طلقك متل ما خلّت أبو عصام يطلق مرتو و عصام يطلق بنتها .
ثم ترد رهام لزوجها فجر و تقول له :
لاء حبيبي نحنا تجوزنا عن حب و حبنا قوي مارح يأثر عليه حدا لا فريال و لا غيرها لك إذا اختك بانة و مرت عمّك شريفة ما قدرو يفرقو بيناتنا بدك فريال تقدر .
ثم يقول لها زوجها فجر :
أنا خايف أنّك تحبّي أبو شهاب زعيم الحارة و تتفقوا على قتلي لأنك طمّاعة أنا بعرفك و رح تطمعي تكوني مرت الزعيم .
ثم ترد رهام لزوجها فجر و تقول له :
لاء اطمّن حبيبي مظبوط إذا تجوزت العقيد أبو شهاب بصير مرت الزعيم بس هنيك عندهم المرا مغلوب على أمرها و ما بخلوّها تستلم شي و أكبر مكتب بتستلمو هو مطبخ بيتها .
ثم يأتي مهند و يشارك في الحديث و يقول :
وين لمّا أنا كنت عم أخدم عسكرية بالجيش العثماني ببلاد العرب وقتها نص العرب طلقو زوجاتهم لأنهم صاروا يحلمو فيني و يهزو بإسمي .
عندها تشعر نور زوجة مهند بالغيرة و تقول لمهند :
إي و أنت ما حلمت بشي وحدة .
يرد عليها زوجها مهند و يقول لها :
ما بدك حتّى شوف شي وحدة إي كلهم مغطايات بالملايات و ما بيسترجو يبينو وجههم بيخافو ما يدبحوهم .
بس الصراحة أنا سمعت صوت وحدة صوتها نفس صوتك يا نور بحارة تانية غير باب الحارة حتّى إني فكرتها إنتي يا نور و شلت الغطا عن و جهها بنص الحارة و صرت قلها نور نور قام قالتلي أنا إسمي لورا أبو أسعد مو نور و كانت بتشبهك يا نور بس أنا قلتلها أنا ما بدي لورا أبو أسعد أنا بدي نور منشان تنسيني الظلام إلّي شفتو بعد موت حبيبتي السابقة نهال .
كنتم مع حلقة واحدة من مسلسل (نور الحارة) و ربما نكتب لكم الحلقات الـ 240 المتبقية (حلقات نور و ثلاثة أجزاء من باب الحارة) .
**************
مـجـد سـوريـة
MAJD SYRIA
**************
لكتابة تعليق اضغط هنا.
